U Niaśvižy vyviesili bieł-čyrvona-bieły ściah

Nastu Azarku pry hetym zatrymali.

03.07.2007 / 18:13

Aktyvistku niezarehistravanaha «Maładoha frontu» Nastu Azarku zatrymali pry sprobie vyviesić pobač ź Niaśviskim rajvykankamam bieł‑čyrvona‑bieły ściah.

Dziaŭčynu zatrymali 2 lipienia ab 23‑j hadzinie na centralnaj płoščy Niaśvižu pobač z budynakam rajvykankamu. Nasta sprabavała zamacavać na słupie bieł‑čyrvona‑bieły ściah. Jaje zatrymali i advieźli ŭ miascovy RUUS. Noč Nasta praviała ŭ pastarunku. Adpuścili jaje tolki a 12‑j hadzinie nastupnaha dnia. Byŭ składzieny pratakoł ab administratyŭnym parušeńni. Dziaŭčynie paviedamili, što ŭ chutkim časie mohuć vyklikać pa tłumačeńni.

Nasta fihuruje ŭ kryminalnaj spravie, jakuju raspačaŭ KDB suprać rehijanalnych aktyvistaŭ «Maładoha frontu» za ŭdzieł ŭ niezarehistravanaj arhanizacyi.

Apošni raz Nastu Azarku zatrymlivali ŭ traŭni za vyviešvańnie raściažak.

Siamion Piečanko