«Што тое балда, што гэта балда»: салодкая «Лаура» з 18% спірту ў Гомелі нарасхват — аўдыё
Урад Беларусі заяўляў пра забарону продажу ў 2013 годзе він нізкага гатунку, якія ў побыце атрымалі назву «чарніла». Замест іх вінзаводы павінны вырабляць «палепшаныя» напоі.У Гомелі, аднак, у магазінах з вітрын не зніклі віны накшталт «Лаура», «Лучыстае», «Беліцкае» ды іншыя, кошт якіх вагаецца ад 12 да 16 тыс. рублёў.
Віны «Лучыстае», «Лаура» ды ім падобныя прапаноўваюць у Гомелі ўсе без выключэння магазіны — «Карзінка», «Родная старана», якія ўваходзяць у сетку чатырох раённых акцыянерных гандлёвых таварыстваў.
Гаворыць Юля, прадавец крамы № 21 на вуліцы Савецкай:
«У гэтым годзе прывозілі. Віны гэтыя паўсядзённага попыту выпускае гомельскі вінзавод. Не ведаю, чым яны горшыя ці лепшыя, чула, што не будуць іх прадаваць. Купляюць іх аматары, і вельмі хутка яны разыходзяцца».
Тое ж самае кажа і спецыяліст аддзела спіртавых напояў магазіна «Карзінка»:
«Канечне, карыстаюцца попытам, асабліва ў вячэрні час, «Лучыстае», віны ў вялікіх бутэльках, напрыклад «Над Сожам».
Ва ўпраўленні гандлю патлумачылі, што забарона ўраду была не на продаж, а менавіта на вытворчасць він нізкіх гатункаў:
«Пастанова была ад 27 лістапада 2012 года № 1081. Згаданай пастановай вытворцам даведзена нулявая квота на выпуск непалепшаных, мацаваных він. Давайце глядзець рэальна, калі купляюць і бяруць — значыць, даход расце, і мы працуем. А хто вырабляе, таму і трэба пытанні задаваць: чаму вырабляеце?»
У фірменным магазіне «Колас» гомельскага вінзавода кажуць, што не адчулі на сабе забароны, прадугледжанай ўрадавай пастановай, бо і без таго выпускаюць палепшаную прадукцыю:
«Ідуць віны палепшаныя і па спецтэхналогіі. Мы іх даўно выпускаем, таму не адчулі на сабе тую пастанову, тыя забароны, якія распаўсюджваліся на віны ардынарныя. Іх у нас проста няма. Нашы віны ўсе натуральныя, мы толькі натуральную сыравіну выкарыстоўваем. Не выкарыстоўваем ні фарбавальнікаў, ні араматызатараў — нічога такога. Усе віны натуральныя і адрозніваюцца толькі тым, што ў адных больш натуральнага браджэння, у другіх — менш. Гэта значыць, больш замацоўваюцца спіртам або менш».
У аматараў танных він свой погляд на якасць. Пра гэта, у прыватнасці, разважае спадар Вячаслаў, які толькі што набыў тры бутэлькі віна «Лаура»:
«Усё адно, што тое балда, што гэта балда. Керагазіцца незразумела, што і з чым.А хто была Лаура? Каханка Пятраркі. Спірту тут 18 працэнтаў, цукру 50Аура-Лаура . Паэтычная назва!
Дык я вам скажу, што гэтае якаснае віно нічым не адрозніваецца — толькі коштам».
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары