Беларуская калійная кампанія заключыла кантракт з кампаніямі Sinochem і CNAMPGC, найбуйнейшымі кітайскімі імпарцёрамі мінеральных угнаенняў, на пастаўку хлорыстага калію ў першым паўгоддзі 2013 года.
Як паведамляецца на сайце БКК, згодна з кантрактам цана хлорыстага калію за метрычную тону складзе 400 долараў на ўмовах пастаўкі ў порт пакупніка (CFR). Аб’ём — 700.000 тон, а таксама апцыён 300.000 тон. Тэрмін пастаўкі: 15 студзеня — 30 чэрвеня.
«Пагадненне паміж найбуйнейшымі вытворцамі калійных угнаенняў і кітайскімі імпарцёрамі традыцыйна ўспрымаецца ў галіне як асноўны цэнавы арыенцір, які істотна ўплывае на ўзровень актыўнасці на сусветным калійным рынку. Наш прагноз на найбліжэйшую перспектыву пазітыўны, галіна будзе паступова аднаўляцца, аб’ём спажывання — расці», — пракаментаваў здзелку генеральны дырэктар ЗАТ «БКК» Валерый Іваноў.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары