І сумняваюцца ў тым, што ёсць неабходнасць даваць кожнаму жадаючаму магчымасць азнаёміцца з дэкларацыяй аб прыбытках любога чыноўніка.
Справаздачу па выніках сваёй працы ў мінулым годзе давалі 23 студзеня журналістам падаткавікі. Распавялі, што сабралі ў кансалідаваны бюджэт 101,4 трыльёна рублёў падаткаў, што перавыканалі план на 0,5%, пра поспехі электроннага дэкларавання і гэтак далей.
Асаблівую ўвагу начальнік галоўнага ўпраўлення падаткаабкладання фізічных асоб Міністэрства па падатках і зборах Міхаіл Расолька звяртае на тое, што спагналі 7 мільярдаў рублёў з тых, у каго прыбыткі не адпавядалі выдаткам. З гэтай нагоды Еўрарадыё перапытвае, ці зацікавіліся падаткавікі гадзіннікам Міхаіла Мясніковіча.
«Асабіста я гэты гадзіннік не бачыў і не магу нічога сказаць — ці дарагі ён. Можаце мой сфатаграфаваць, калі кагосьці цікавіць — гадзіннік „Луч“, якому ўжо 25 гадоўЯго я таксама не дэклараваў нідзе!»
Такі ж неканкрэтны адказ атрымліваецца і на пытанне, ці не трэба было б, на думку падаткавікоў, абавязаць усіх чыноўнікаў выкладаць у свабодны доступ свае дэкларацыі.
«Гэта ўсё — падатковая таямніца. Усё, што звязана з маёмасным становішчам, паводле Канстытуцыі мы не маем права разгалошваць.Ёсць закон „Аб дзяржаўнай службе“, ёсць закон „Аб дэклараванні“, якімі такі абавязак не вызначаны. Калі такі абавязак заканадаўствам будзе вызначаны, тады… Я зараз не гатовы сказаць, наколькі гэта выкладанне паўплывае на карупцыйны складнік. Але ж кожная дэкларацыя падлягае праверцы, не радзей за адзін раз у пяць гадоў дэкларацыя павінна быць правераная. Кантроль дзяржавы ажыццяўляецца. Што тычыцца публікацыі — ну…», — кажа М. Расолька.
А першы намеснік міністра Сяргей Налівайка дадае: галоўнае, што праверкі праводзяцца, і не важна, наколькі гэтая праца публічная.
Асаблівую ўвагу надавалі летась падаткавікі ігральнаму бізнесу. І ўсё дзеля таго, каб стварыць максімальна прыемныя ўмовы для… турыстаў, распавядае начальнік галоўнага ўпраўлення кантролю падакцызных тавараў, ігральнага бізнесу і электронных сістэм кантролю рэалізацыі тавараў Уладзімір Муквіч.
Уладзімір Муквіч: «Адменена патрабавання аб ізаляванасці памяшкання для букмекерскай дзейнасці, прадаставілі права арганізатарам азартных гульняў ажыццяўляць грамадскае харчаванне ў ігральных установах, урэгулявалі пытанні наконт правядзення
Падаткавікі паабяцалі, што і ў 2013 годзе не пакінуць без увагі гэтую крыніцу папаўнення бюджэту.
Дарэчы, Сяргей Налівайка між іншым адзначыў, што сёлета іх міністэрства чакае скарачэнне. Але колькі супрацоўнікаў пойдуць шукаць сабе новае месца працы, не ўдакладняе.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары