За 2012 год у рэальны сектар эканомікі (апрача банкаў) замежныя інвестары ўклалі 14,3 млрд. долараў, што на 24,1% менш, чым у 2011 годзе.
Як паведамляе Нацыянальны статыстычны камітэт, асноўнымі інвестарамі арганізацый рэспублікі былі суб’екты гаспадарання Расіі (46,7% ад усіх інвестыцый, што паступілі), Вялікабрытаніі (25,2%), Кіпра (6,4%), Аўстрыі (4%).
Найбольшыя сумы замежных інвестыцый паступілі ў арганізацыі гандлю (39,2% ад усіх інвестыцый, што паступілі), транспарту (27,8%), прамысловасці (24,4%). Большая частка — 73,4% усіх укладанняў — прыпала на арганізацыі Мінска. На арганізацыі Мінскай вобласці прыпадала 11,6% валавога паступлення замежных інвестыцый, Гомельскай вобласці — 5,5%.
Асноўнай формай прыцягнення прамых інвестыцый былі даўгавыя інструменты (88,8% агульнага аб’ёму прамых інвестыцый).Запазычанасць за тавары, работы, паслугі ў аб’ёме валавога паступлення прамых замежных інвестыцый за 2012 год склала 8,7 млрд. долараў, што на 24,9% менш, чым за 2011 год. Значныя аб’ёмы прамых замежных інвестыцый з улікам запазычанасці за тавары, работы, паслугі паступілі ад рэзідэнтаў Расіі (48,6% ад агульнага аб’ёму прамых інвестыцый). Ад рэзідэнтаў Злучанага Каралеўства паступіла 32% валавога аб’ёму прамых інвестыцый, Кіпра — 4,6%, Украіны — 3,4%.
Валавое паступленне прамых замежных інвестыцый склала 72,3% ад усіх замежных інвестыцый, якія паступілі, што ніжэй на 21,8% у параўнанні з 2011 годам.Найбольшыя сумы валавых прамых замежных інвестыцый былі накіраваныя ў арганізацыі гандлю (47,3% ад усіх прамых інвестыцый), транспарту (36,1%), прамысловасці (9,9%).
Іншых замежных інвестыцый (не ад прамога інвестара) атрымана 3,9 млрд. долараў, або на 29,9% менш, чым за 2011 год. На іх долю прыпадала 27,6% ад усяго валавога паступлення замежных інвестыцый.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары