Другі дзень фэста Басовішча, што прайшоў у мінулыя выходныя ў польскім Гарадку стаў для гледачоў сюрпрызам ад арганізатараў.
Польскія ўдзельнікі Orshak і Pokrak не пакінулі пасля сябе амаль ніякіх уражанняў. А гарадзенскія Дзецюкі, што з’явіліся ў мінулым годзе на сцэнах Беларусі, здолелі сабраць пад сцэнай вялікую колькасць фанатаў. Песьні на змагарную тэматыку гучалі з вуснаў гарадзенцаў даволі эмацыйна і пад іх скакалі і падпявалі прыхільнікі.
Апошняя песня — кавер на польскую песню часоў Салідарнасці «Czarny chleb i czarna kawa» гарадзенцы выканалі разам з Аляксандрам Памідоравым і адразу склалася ўражанне, што яна стане хітом для сучаснай моладзі.
Нечаканым сюрпрызам для прысутных на Басах стаў выступ клезмерскага аркестра з падляшскіх Сэйнаў. Гэтая мешаніна мелодый ад музыкаў спачатку нагадвала выступ сербскага The No Smoking Orchestra, а потым было такое ўражанне, што мы прысутнічаем на нейкім яўрэйскім свяце.
Выступ музыкаў перамяжоўваўся і ў часе невялічкага перапынку польскія перформеры «далучылі» Беларусь ў Еўропу, правёўшы перформанс з ўздыманнем сумеснага сцягу.
Вялікае ўражанне на слухачоў пакінуў ансамбль Перкалаба. Украінцы перад самым фэстам трапілі ў аварыю і бубнача гурта змяніў гарадзенец «СЫР», а на перкусіі граў музыка з Akute.
Украінскія матывы і свята на сцэне ад вакаліста- такое уражанне пакінулі ад сябе Паркалаба. Як адзначыў ў размове Яўген Вапа старшыня ўправы Радыё «Рацыя» — гэты гурт я слухаю ўжо тры гады і ён стаў для мяне самым улюбёным.
І сапраўды — падобнага шоу на сцэне на Басах даўно на было і нават настыпныя польскія зоркі Indios Bravos выглядалі неяк неякавата. Закрываў другі дзень на вялікай сцэне The Toobes, а аматараў электроннай музыкі чакалі дыджэі, аднак мы невялікай калоннай з дзьвух бусаў разам з музыкамі з Дзецюкоў накіраваліся ў бок мяжы.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары