Выбеглі на поле ў чорных масках: на футболе ў Навагрудку адбылася масавая бойка — фоты
Відэа бойкі (асцярожна, мат!).
Падчас футбольнага матчу на стадыёне «Камсамолец» у Навагрудку (Гродзенская вобласць) 28 верасня адбылася масавая бойка.
У ходзе 22-га тура чэмпіянату Гродзенскай вобласці па футболе краснасельскі «Цэментнік» гуляў матч у гасцях з ФК «Навагрудак». Як паведамляе volkovysk.by, на 20-й хвіліне матчу, калі футбаліст «Цэментніка» Яўген Васілеўскі забіў гол у вароты саперніка, на поле стадыёна выбеглі прыкладна дваццаць чалавек у масках і пачалі бойку з заўзятарамі з Навагрудка.
Бойка цягнулася каля паўгадзіны, арбітр матчу вымушаны быў закончыць матч і залічыў ФК «Навагрудак» тэхнічнае паражэнне з лікам 0:3.
На поле прыбылі нарады міліцыі, а таксама хуткай медыцынскай дапамогі, бо пацярпелым спатрэбілася дапамога.
Паводле непацверджанай пакуль інфармацыі, бойку справакавалі футбольныя фанаты з Мінска.
У РУУС Навагрудка і мясцовым упраўленні Следчага камітэта інфармацыю не каментуюць.
«Галоўнае — гэта вопыт!» Лукашэнка назваў, каго бачыць наступным прэзідэнтам14
Каментары