Беларускі форвард вызначыўся і ў другім сваім матчы за новы клуб.
«Вашынгтон» у матчы рэгулярнага чэмпіянату НХЛ сёння перамог на сваёй «Верызон-Арэне» па серыі булітаў «Калгары» 5:4 (0:3, 3:1, 1:0, 0:0, 1:0).
На 54-й хвіліне Міхаіл разам з Авечкіным асіставаў Бэкстрэму, зрабіўшы лік 4:4. А потым рэалізаваў вырашальны буліт.
Нагадаем, пазаўчора Грабоўскі ў стартавым матчы супраць уладальнікаў Кубка Стэнлі «Чыкага» закінуў тры шайбы і зрабіў адну галявую перадачу, але «Вашынгтон» прайграў 4:6.
Міхаіл Грабоўскі — адзіны беларус у сёлетнім сезоне НХЛ.
Два сезоны ён правёў у «Манрэалі», а затым — пяць сезонаў у «Таронта», улетку перайшоў у «Вашынгтон».
Наступны матч «Вашынгтон» правядзе ў гасцях супраць «Даласа» 5 кастрычніка.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары