Памежнікі затрымалі расіяніна, які на аўтамабілі спрабаваў прарвацца праз беларускую мяжу ў Польшчу.
План «Бар'ер» быў уведзены вечарам 11 кастрычніка ў пункце пропуску «Брузгі», каб спыніць грамадзяніна Расіі на BMW Х5 нямецкай рэгістрацыі. Мужчына, які пастаянна жыве ў Германіі, выязджаў з Беларусі ў Польшчу. Пры афармленні аўтамабіля ў супрацоўнікаў мытні узніклі падазрэнні ў кантрабандзе цыгарэт, пасля чаго было прынята рашэнне аб надглядзе машыны ў комплексе «Rapiskan», паведамілі ў Дзяржаўным памежным камітэце.
Спалохаўшыся выкрыцця, расіянін паспрабаваў здзейсніць прарыў на тэрыторыю Беларусі, каб унікнуць адказнасці.
Парушальнік хутка быў спынены. Убачыўшы сродкі прымусовага спынення i забараняючыя сігналы святлафораў, мужчына спыніўся каля «апошняй рысы», - адзначылі ў ДПК.
Высветлілася, што ён спрабаваў нелегальна правезці цераз мяжу партыю з 280 пачкаў цыгарэт на 2,6 мільёна рублёў.
За парушэнне рэжыму пункта пропуску на грамадзяніна Расіі накладзены штраф і ён дэпартаваны з Беларусі. Машына 2008 года выпуску коштам у 350 мільёнаў канфіскавана да рашэння суда.
Каментары