Значная частка Венесуэлы, уключаючы сталіцу Каракас, засталася без святла з-за адключэння электразабеспячэння. Святло выключылася падчас тэлевізійнай трансляцыі выступу прэзідэнта Нікаласа Мадуры.
Мадура ў сваім мікраблогу ў Twitter выказаў здагадку, што гэта — спланаваная звонку акцыя, і параўнаў яе з перабоямі ў электразабеспячэнні ў верасні гэтага года, якія адбыліся ў тых жа гарадах.
Аднак яго апаненты кажуць, што гэтыя перабоі — сведчанне таго, што ўлады не спраўляюцца з эканомікай, нягледзячы на вялікія запасы нафты ў краіне.
Цяпер электразабеспячэнне ў Каракасе адноўлена.
Адключэнне электрычнасці — частая з'ява ў Венесуэле з-за старога абсталявання і перагрузак у сетках, аднак звычайна яно не закранае сталіцу.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары