У інтэрнэце з’явілася дзіўная версія брытанскага серыяла Black Books — з беларускімі субцітрамі і беларускімі рэаліямі.
Магілёўская суполка «Спайка Шва» перастварыла серыял пра гандляра кнігамі Бернарда Блэка: цяпер гультаі і раздзяўбаі Бернард, Фрэн і Мэні пераўтварыліся ў Ігара Логвінава, і яго супрацоўнікаў Касю і Паўло, у якіх можна ўгадаць Паўла Касцюкевіча і Кацярыну Пікірэню.
Кароткі змест кожнай серыі выглядае прыблізна так:
«Гарадзенец Ігар Логвінаў завёў кнігарню ў Мінску. На падхопе яго сябры Кася і Паўло. Рэаліі чыста мінскія, гумар — чыста гарадзенскі. Паўло глытае падшыўку «Нашай Нівы» і трапляе на аперацыйны стол, а Логвінаў наўмысна даводзіць гопнікаў з Серабранкі да рукапрыкладства, каб не запаўняць падаткавай дэкларацыі».
Дарэчы, магілёўскія жартаўнікі добра ведаюць рэаліі, у якіх працуе «логвінаЎ» — серыяльных герояў увесь час імкнуцца пазбавіць ліцэнзіі.
Агулам ў інтэрнэце з’явілася ўжо восем серый «логвінава».
Павал Касцюкевіч, арт-дырэктар кнігарні «логвінаЎ» расказаў «НН», як сапраўдныя супрацоўнікі кнігарні даведаліся пра серыял пра саміх сябе.
«Сябры раптам масава пачалі параўноўваць нашы паводзіны ў кнігарні з манерамі герояў нейкага англійскага серыяла. — кажа Касцюкевіч. — А потым і спасылку скінулі. Усе кажуць, што англійскія акторы падобна да нас. Ну, не ведаю, — няўжо мы такія раздзяўбаі і п’янюкі?»
«Наша Ніва»: Дарэчы, наконт падабенства. На вашую думку, хто з брытанскіх персанажаў найбліжэйшы да, так бы мовіць, арыгінала?
Павел Касцюкевіч: Канечне, не я! Напрыклад, ірландзец Бернард, які «ўвасабляе» гарадзенца Логвінава, ці Фрэн, якая грае Касю. Я не падобны зусім.
«НН»: Ліцэнзіі герояў ужо пазбаўлялі, калі не памыляюся за тое, што не могуць граць патрыятычныя песні на раялі. Што па логіцы, мусіць адбыцца ў наступнай серыі?
ПК: Паколькі героі серыяла большыя гультаі і гулякі за нас, думаю, што нічога — будуць працягваць тое што яны ўмеюць лепш за ўсё — гультаяваць і банкетаваць. Хочацца верыць, што ўрэшце ў герояў серыяла ўсё будзе добра.
Усе серыі «Кнігарні логвінаЎ» можна паглядзець тут.
Хто з беларусаў трапіў на прыём да прэзідэнта Польшчы ШМАТ ФОТА10
Каментары