Былога кіраўніка «Пінскдрэва» Арыніча зноў хочуць экстрадзіраваць у Беларусь
Але не вядома, у якой краіне ён знаходзіцца.
«Як мяркуецца, Ларан Арыніч знаходзіцца ў Італіі. Але дакладнае месцазнаходжанне яго не вядома. На прэс-канферэнцыі летам я інфармаваў, што польскі бок яго вызваліў з-пад варты. Затым ён быў затрыманы ў Італіі. Пасля адмовы ў выдачы мы цягам двух тыдняў зноў накіравалі патрабаванне з яго выдачай, на якое не атрымалі адказу да сёння. Мы не пакідаем надзеі яго атрымаць. І ў пачатку гэтага года накіравалі італьянскім кампетэнтным органам адпаведны напамін і паўтарылі просьбу пра выдачу»,
— паведаміў намеснік генеральнага пракурора Беларусі Аляксей Стук.
На былога кіраўніка «Пінскдрэва» Ларана Арыніча завялі крымінальную справу ў 2010 годзе. Тады пасля пажару на прадпрыемстве 14 чалавек загінула, больш за дваццаць атрымала траўмы. Арыніч не знаходзіўся пад вартай, а таму свабодна выехаў за мяжу. Калі яго абвясцілі ў міжнародны вышук, ён ужо быў у Польшчы. Там яго ўзялі пад нагляд паліцыі і забаранілі выезд з краіны. Але затым перавялі на хатні арышт пад залог у 2000 злотых. А на патрабаванне яго выдачы беларускаму боку так і не было адказу.
У чэрвені 2013 Ларана Арыніча затрымалі ў Італіі і змясцілі пад варту. Беларусі яго так і не выдалі.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый8
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары