Сёння суд Першамайскага раёна Мінска працягнуў на тры месяцы прэвентыўны нагляд у дачыненні да сустаршыні «Маладога фронту» Змітра Дашкевіча.
Нагляд над Дашкевічам устаноўлены на паўгода і павінен быў скончыцца 28 лютага. Зараз ён працягнуты да 28 мая.
28 жніўня 2013 года Зміцер Дашкевіч выйшаў на волю з гродзенскай турмы №1 пасля амаль трохгадовага зняволення. Яго арыштавалі напярэдадні апошніх прэзідэнцкіх выбараў, 18 снежня 2010 года, і асудзілі спачатку за «асабліва злоснае хуліганства», а пасля за «злоснае непадпарадкаванне патрабаванням адміністрацыі папраўчай установы».
Пад прэвентыўным наглядам Дашкевіч павінен быў знаходзіцца на працягу паўгода пасля вызвалення. Яму забаронена пакідаць месца пражывання з 20 да 6 гадзіны.
Хто з беларусаў трапіў на прыём да прэзідэнта Польшчы ШМАТ ФОТА10
Каментары