Прэзідэнт Расіі Уладзімір Пуцін у тэлефоннай размове з прэзідэнтам ЗША Баракам Абамам абмеркаваў сітуацыю ва Украіне і заявіў, што краіны не павінны ахвяраваць расійска-амерыканскімі адносінамі з-за асобных міжнародных праблем, хай і вельмі важных.
Пра гэта паведамляе сайт Крамля. У ходзе дыскусіі выявіліся адрозненні ў падыходах і ацэнках прычын узнікнення цяперашняга крызісу і стану спраў», — гаворыцца ў паведамленні.
Прэзідэнт Расіі таксама адзначыў, што цяперашняе ўкраінскае кіраўніцтва навязвае ўсходнім і паўднёва-ўсходнім рэгіёнам і Крыму абсалютна нелегітымныя рашэнні.
«Расія не можа ігнараваць звернутыя да яе ў гэтай сувязі заклікі аб дапамозе і дзейнічае адэкватна, у поўнай адпаведнасці з нормамі міжнароднага права», — гаворыцца ў паведамленні прэс-службы Крамля.
Пуцін падкрэсліў важнасць расійска-амерыканскіх адносін для стабільнасці і бяспекі ў свеце. «Гэтыя адносіны не павінны прыносіцца ў ахвяру рознагалоссям па асобных — хай і вельмі значных — міжнародных праблемах», — адзначаецца ў паведамленні.
Лідэры абедзвюх краін дамовіліся аб тым, што кіраўнік МЗС Расіі Сяргей Лаўроў і дзяржсакратар ЗША Джон Кэры і далей будуць актыўна супрацоўнічаць па гэтым пытанні.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары