Амерыка не хоча вайны, але так проста ўмешвацца ва ўкраінскія справы не дазволіць.
Масква добра разумее, што амерыканская армія мацнейшая за расійскую. Пра гэта заявіў прэзідэнт ЗША Барак Абама, паведамляе ТСН.
Менавіта таму Расіі, на яго думку, не патрэбны ваенны канфлікт са Штатамі. Не хоча ваяваць і сама Амерыка, але хоча разумець, што Масква не будзе ўмешвацца ў справы такіх краін, як, напрыклад, Украіна. Калі Расія ўсё ж такі працягне дэстабілізаваць сітуацыю ва Украіне — будуць непрыемныя наступствы, яшчэ раз папярэдзіў Абама.
Нагадаем, з 6 красавіка расійскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі ваенных і тэхніку.
15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі аэрадром горада Краматорск на поўначы Данецкай вобласці.
17 красавіка ўкраінскія ваенныя адбілі атаку сепаратыстаў пад кіраўніцтвам афіцэраў ГРУ на вайсковую часць у Марыупалі на поўдні Данецкай вобласці. Трое з тых, хто нападаў, былі забітыя, больш за 60 затрыманыя.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала11
Каментары