У складзе Рады бясьпекі застаўся адзін памочнік прэзыдэнта па нацыянальнай бясьпецы — Віктар Лукашэнка.
У складзе Савета бяспекі Беларусі застаўся адзін памочнік прэзідэнта па нацыянальнай бяспецы — Віктар Лукашэнка. Да выдання кіраўніком дзяржавы 1 лістапада 2007 года ўказа № 556 памочнікам прэзідэнта ў гэтай сферы ў дапаўненне да асноўнай пасады — дзяржаўнага сакратара Савета бяспекі — афіцыйна з'яўляўся і Віктар Шэйман. Цяпер яго пасада ў спісе членаў Савета бяспекі сфармулявана як дзяржаўны сакратар Савета бяспекі Рэспублікі Беларусь.
У прэс-службе Дзяржаўнага сакратарыята Савета бяспекі пракаментаваць БелаПАН гэтае змяненне не здолелі.
Нагадаем, В.Лукашэнка быў уведзены ў склад Савета бяспекі 5 студзеня 2007 года. Памочнікам прэзідэнта па нацыянальнай бяспецы ён з'яўляецца з пачатку 2005 года.
Указам № 556 са складу Савета бяспекі выведзены былы старшыня Палаты прадстаўнікоў Уладзімір Канаплёў. Яго месца заняў новы спікер ніжняй палаты Вадзім Папоў.
Былога старшыню КДБ Сцяпана Сухарэнку, які быў адпраўлены ў адстаўку гэтым летам, у Савеце бяспекі замяніў цяперашні кіраўнік галоўнай беларускай спецслужбы Юрый Жадобін.
Каментары