У бліжэйшыя суткі, 26 чэрвеня, умовы надвор'я ў Беларусі будзе вызначаць прахалодная няўстойлівая паветраная маса з Балтыйскага мора.
Будзе воблачна з праясненнямі. Пераважна па паўночнай палове краіны — кароткачасовыя дажджы, месцамі навальніцы. Вецер паўночна-заходні ўмераны, пры навальніцах парывісты. Тэмпература паветра мінімальная ноччу +4.. +10°C, максімальная днём +13.. +18°C, па поўдні Брэсцкай і Гомельскай абласцей да +20°C. Атмасферны ціск істотна не зменіцца.
У наступныя двое сутак захаваецца няўстойлівае халаднаватае надвор'е.
27 чэрвеня краіна застанецца пад уплывам франтальных сістэм, якія павольна перамяшчаюцца ў паўночна-ўсходнім напрамку. На большай частцы тэрыторыі пройдуць дажджы.
Месцамі навальніцы і моцныя дажджы.
Вецер пераменных напрамкаў умераны, днём парывісты. Тэмпература паветра мінімальная ноччу +7.. +12 ° C,
максімальная днём +11.. +18°C, па паўднёвым захадзе месцамі да +20°C.
28 чэрвеня ноччу Беларусь застанецца ў прахалоднай паветранай масе сфарміраванай у паўночных шыротах; па Брэсцкай вобласці, а днём на большай частцы адаб'ецца ўплыў франтальных сістэм, якія зрушацца з тэрыторыі Польшчы і Украіны. Ноччу месцамі, днём на большай частцы кароткачасовыя дажджы. Месцамі навальніцы, раніцай і днём у паўднёва-заходніх раёнах моцныя дажджы. Вецер пераменных напрамкаў умераны, пры навальніцах парывісты.
Тэмпература паветра мінімальная ноччу +4.. +11°C,
максімальная днём +15.. +21 ° C, па паўднёвым захадзе +12.. +14°C.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі82
Каментары