Улады вырашылі, што легендарны фэстываль не адпавядае гістарычнай, духоўнай спадчыне гораду Полацку і праваслаўю. Сяргей Анішчанка вінаваціць фанаў, якія вывесілі нацыянальны сьцяг і пакінулі на сьценах графіці «Жыве Беларусь». Фэст тым часам рады пераняць Смаленск.
Тое, што ў арганізатараў «Рок‑Кола» могуць паўстаць праблемы стала зразумела на другі дзень апошняга фэстывалю. Пасьля першага дня на будынку гарвыканкаму, на аўтобусе беларускага тэлебачаньня, якое працавала ў горадзе на іншай імпрэзе, і на некалькіх дамах Полацку зьявіліся надпісы кшталту «Жыве Беларусь!», а на адным з будынкаў у цэнтры гораду ўзьняўся бел‑чырвона‑белы сьцяг. Дырэктар і заснавальнік фэстывалю «Рок‑Кола» Сяргей Анішчанка ў інтэрвію ТГ кажа:
«Я хачу сказаць гэтым хлапчукам, што тое зрабілі: гэта ня мэтады сёньня, мы перакрэсьлілі ўсю 17‑гадовую гісторыю «Рок‑Кола«. Я не зважаю на свае погляды, але заўжды кажу: ня трэба блытаць палітыку і музыку!»
У выніку празь некалькі дзён пасьля фэстывалю адбылося паседжаньне ў мясцовым гарвыканкаме з удзелам прадстаўнікоў спэцслужбаў. Негледзячы на тое, што гарадзкія ўлады заўжды падтрымлівалі правядзеньне гэтага фэстывалю, вэрдыкт быў такі:
«Прыпыніць дзейнасьць рок‑фэстывалю ў Полацку. Адзначыць незадавальняючую падрыхтоўку фэстывалю беларускай музыкі 26‑27 кастрычніка і лічыць нямэтазгодным правядзеньне фэстывалю «Рок‑Кола«, бо яно не падпадае гістарычнай, духоўнай спадчыне горада Полацка і праваслаўю. Рэкамэндаваць адказным асобам, што адказваюць за духоўнае выхаваньне моладзі ўстрымлівацца ад правядзеньня падобных мерапрыемстваў».
Гэтае рашэньне Сяргей Анішчнака ня можа камэнтаваць:
«Мы ўсяго тры гады праводзілі фэстываль у Полацку, дагэтуль ён заўжды праходзіў у Наваполацку. Людзі і так дзівіліся, чаму нам гэта ўдавалася. Мы намагаліся гэта рабіць, як мага лепей і, здаецца, знаходзілі станоўчы водгук. Тое, што адбылося зараз — не магу камэнтаваць. Мяркую, што цяпер мне не дадуць тут нічога рабіць, ды я і сам ня буду. Навошта, калі так…»
Між тым, «Рок‑Кола» хочуць бачыць у Смаленску. Зацікаўленасьць фэстывалем выказаў нават мэр гораду. У найбліжэйшы час прадстаўнікі дырэкцыі беларускага фэстывалю маюць выехаць у Расею на перамовы. Прадусар «Рок‑Кола» Аляксандар Рагачоў упэўнены:
«Рок‑Кола мае быць. Ня будзе ў Полацку, будзе недзе па‑за межамі краіны. У Смаленску нас чакаюць. Шкада толькі, што Беларусь пазбавіцца адзінага рок‑фэсту з такой багатай гісторыяй».
Сяргей Анішчанка з гэтай нагоды толькі з сумам дадае:
«Не далі няпоўнагадоваму дзіцёнку дажыць да 18 год».
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары