Былы кіраўнік Інфармацыйна-аналітычнага цэнтра пры Адміністрацыі прэзідэнта Беларусі Аляксандр Базанаў стаў намеснікам генеральнага дырэктара ААТ «Белтэлекам».
Ён уключаны ў спісы кіраўніцтва кампаніі, апублікаваныя на афіцыйным сайце beltelecom.by
У «Белтэлекаме» Базанаў адказвае за ўзаемадзеянне з дзяржаўнымі органамі і знешнія сувязі.
Як паведамлялася раней, 18 ліпеня, Аляксандр Лукашэнка вызваліў Аляксандра Базанава ад пасады дырэктара Інфармацыйна-аналітычнага цэнтра пры Адміністрацыі прэзідэнта ў сувязі з выхадам у адстаўку. Базанаў займаў гэтую пасаду з 4 лістапада 2010 года. У лютым 2011 года быў уключаны ў спіс беларускіх чыноўнікаў, неўязных у краіны Еўрасаюза.
Новым дырэктарам Інфармацыйна-аналітычнага цэнтра пры Адміністрацыі прэзідэнта прызначаны Аляксей Дзербін.
Каментары