Кіраўнік самаабвешчанай Луганскай народнай рэспублікі Ігар Платніцкі мяркуе, што да закона пра асаблівы статус Данбаса, тым не менш, яшчэ застаецца шмат пытанняў. Дакумент, прапанаваны Парашэнкам, прадугледжвае ўвядзенне асаблівага парадку самакіравання ў гэтых рэгіёнах, правядзенне выбараў і амністыю.
Пытанні па законапраекце пра статус Данбаса яшчэ застаюцца, але з'явіўся першы шанец на ўрэгуляванне, паведаміў РІА «Новости» Ігар Платніцкі.
«Закон пра асаблівы статус Данбаса ў асноўным адпавядае нашым перагаворным пазіцыям, агучаным 1 верасня. Таму, хоць яшчэ шмат няяснага, можна сказаць, што ў мірнага ўрэгулявання з'явіўся першы шанец», — сказаў Платніцкі.
Прадстаўнікі Данецкай і Луганскай народных рэспублік раней апублікавалі перамоўную пазіцыю дзвюх рэспублік. «Прэм'ер» Данецкай народнай рэспублікі Аляксандр Захарчанка ўдакладняў, што самаабвешчаныя Данецкая і Луганская народныя рэспублікі дамагаюцца не асаблівага статусу рэгіёнаў, а патрабуюць ад Кіева раўнапраўя.
Законапраект паступіў на разгляд парламента Украіны ў панядзелак. Дакумент, у прыватнасці, прадугледжвае ўвядзенне на тры гады асаблівага парадку самакіравання ў гэтых рэгіёнах, правядзенне мясцовых выбараў і амністыю.
Цяпер чытаюць
Польшча адкрывае два пераходы на мяжы з Беларуссю, але пакуль з вялікімі абмежаваннямі11
Каментары