Рашэнне аб павелічэнні ПДВ і падаходнага падатку, хутчэй за ўсё, не будзе прынята. Аб гэтым заявіў сёння журналістам намеснік прэм'ер-міністра Беларусі Пятро Пракаповіч.
«Пры разглядзе законапраектаў кожны раз абмяркоўваецца шмат варыянтаў. Магу сказаць, што павелічэнне ПДВ і падаходнага падатку абмяркоўвалася, але рашэнне аб гэтым не прынята і, я мяркую, прынята яно не будзе», — сказаў Пётр Пракаповіч.
Паводле слоў віцэ-прэм'ера, у цэлым трэба не павышаць падаткі для прадпрыемстваў, а ствараць умовы, каб прадпрыемствы станавіліся больш плацежаздольнымі.
Раней паведамлялася, што ўрад разглядае законапраект, які прадугледжвае павелічэнне ПДК з 20% да 22% і падаходнага падатку з 12% да 13%.
Каментары