Мінюст адмовіў у рэгістрацыі літвінам і змяніў радавод Карла Маркса
Беларускія ўлады адмовілі ў рэгістрацыі грамадскага аб'яднання «Краёвае згуртаванне літвінаў».
«Спіс заснавальнікаў ГА «Краёвае згуртаванне літвінаў» змяшчае ў сабе няпоўныя і недакладныя звесткі аб заснавальніках дадзенага грамадскага аб'яднання, у сувязі з чым з'яўляецца несапраўдным дакументам», — гаворыцца ў адказе з Міністэрства юстыцыі.
У якасці няпоўных і недакладных звестак прыводзіцца адсутнасць нумароў хатніх і працоўных тэлефонаў у двух заснавальнікаў, недакладныя звесткі аб месцы пражывання ў трох заснавальнікаў.
Пры гэтым прыкладам недакладных звестак прыводзіцца тое, што адрас аднаго заснавальніка пададзены наступным чынам: «г. Слаўгарад, вул. К. Маркса», тады як, заяўляюць у Мінюсце, ён павінен выглядаць так: «г. Слаўгарад, вул. Маркса Карла Фрыдрыхавіча». І гэта пры тым, што бацьку Карла Маркса звалі Генрыхам.
«У любой еўрапейскім дзяржаве гэта было б прызнана тэхнічнай памылкай і дадзены час на выпраўленне. Але мы, вядома, знаходзімся ў візантыйскай цывілізацыі, дзе ўсё, што небяспечнае, здаецца чужым і варожым», — заявіў старшыня «Краёвага згуртавання літвінаў» Аляксандр Стральцоў.
Паводле яго слоў, цяпер рыхтуецца скарга ў Вярхоўны суд.
***
4 жніўня ў Мінску адбыўся ўстаноўчы з'езд грамадскага аб'яднання «Краёвае згуртаванне літвінаў». На з'ездзе прысутнічала 50 чалавек. 5 жніўня рэгістрацыйныя дакументы былі пададзеныя ў Міністэрства юстыцыі Беларусі.
-
«Госці хацелі сесці за сталом з канапамі, але гэта небяспечна». Мінскае кафэ пракаментавала скандал з дзяўчынкай з інваліднасцю
-
Беларусам можна не плаціць па крэдытах, якія аформілі махляры. Вось у якіх выпадках
-
«Прэмія належыць усім беларусам, якія працягваюць змагацца». Ціханоўская ўзнагароджаная нямецкай прэміяй, якую атрымліваў Гавел
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы19
Каментары