Кіеўскі раённы суд Харкава сваім рашэннем пасадзіў аднаго з удзельнікаў штурму Харкаўскай абласной дзяржадміністрацыі, які адбыўся 1 сакавіка гэтага года, у турму на пяць гадоў.
Яго прызналі вінаватым ва ўдзеле ў масавых беспарадках каля АДА і незаконным нашэнні зброі.
Як паведамляе прэс-служба пракуратуры Харкаўскай вобласці, гэта першы прысуд па справе аб сакавіцкіх беспарадках у Харкаве. Удакладняецца, што асуджанаму 46 гадоў, гэта мясцовы жыхар.
Таксама ў суд накіраваныя абвінаваўчыя акты ў дачыненні да яшчэ чатырох чалавек, якія прымалі актыўны ўдзел у штурме адміністрацыі.
Нагадаем, 1 сакавіка 2014 года ў Харкаве прарасейскія ўдзельнікі «веча» ўварваліся ў будынак АДА і ўсталявалі на будынку расійскі сцяг. У выніку нападу на Харкаўскую абладміністрацыю пацярпелі 76 чалавек.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары