Адбылася тэлефонная размова Аляксандра Лукашэнкі з Пятром Парашэнкам. Пра гэта паведамілі ў прэс-службе беларускага лідара.
Кіраўнікі дзяржаў абмеркавалі парадак дня маючага адбыцца саміту СНД у Мінску. Прэзідэнт Украіны прынёс прабачэнні ў сувязі з немагчымасцю асабіста прыбыць на пасяджэнне Савета кіраўнікоў дзяржаў СНД і пераканаўча папрасіў кіраўніка Беларусі як старшыню Садружнасці давесці пазіцыю Украіны да астатніх удзельнікаў сустрэчы. Інтарэсы Украіны на саміце будзе прадстаўляць пасол гэтай краіны ў Беларусі.
Прэзідэнт Украіны таксама папрасіў давесці да ўдзельнікаў пазіцыю Украіны ў сувязі з падзеямі ў Луганскай і Данецкай абласцях. Парашэнка праінфармаваў Лукашэнку аб плануемай сустрэчы з Уладзімірам Пуціным, якая павінна адбыцца ў самы бліжэйшы час. Паводле інфармацыі Парашэнкі, у ходзе гэтай сустрэчы будзе абмеркаваны ўвесь комплекс пытанняў украінска-расійскага парадку дня, уключаючы спыненне збройнага супрацьстаяння на паўднёвым усходзе Украіны.
Кіраўнікі Беларусі і Украіны таксама абмеркавалі праблематыку двухбаковага супрацоўніцтва. Парашэнка прапанаваў Лукашэнку сустрэцца ў бліжэйшы час на тэрыторыі Украіны і разгледзець комплекс пытанняў двухбаковых адносін і міжнароднага парадку дня.
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў2
Каментары