Да канца гэтага тыдня міжурадавая камісія Беларусі і РФ па ваенна-тэхнічным супрацоўніцтве будзе абмяркоўваць прапановы па супольных стандартах у гэтай сферы, паведаміла ТАСС.
Расейскі жаўнер без апазнавальных знакаў у Крыме, 2014 год.
«Вялікая ўвага будзе нададзеная пытанням пашырэння нарматыўна-прававой базы ў сферы ваенна-тэхнічнага супрацоўніцтва. У прыватнасці, бакі абгавораць ход падрыхтоўкі пагаднення па стандартызацыі прадукцыі абаронна-прамысловага комплексу», — адзначыў прадстаўнік Дзяржаўнага камітэта па ваеннай прамысловасці Беларусі Уладзімір Лаўранюк.
Вучэнні беларускіх Паветраных войскаў па выкарыстанні шасэйных дарог замест аэрадромаў.
Гэтаксама камісія будзе разглядаць стварэнне «адзінай сістэмы каталагізацыі прадметаў забеспячэння Узброеных сіл дзвюх дзяржаў».
Пасля пачатку вайны ва Украіне Аляксандр Лукашэнка неаднаразова казаў пра патрэбу стварыць як мага больш незалежны беларускі ваенна-прамысловы комплекс.
Былі агучаныя планы стварэння беларускай сістэмы супрацьпаветранай абароны, беларускай лёгкай баявой тэхнікі, верталётаў, і нават баявых самалётаў.
Такі заяўлены курс мала сумяшчальны з поўнай ваенна-прамысловай інтэграцыяй Беларусі з Расіяй, бо праца беларускага ВПК на новых накірунках была б дарагім і непатрэбным дубляваннем функцый ВПК РФ.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый18
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары