У Магілёве грамадскія актывісты 31 кастрычніка пачалі збор подпісаў за аднаўленне Дубровенскай брамы — уязных варот у гарадскі замак, які цяпер не існуе.
«Ідэя адраджэння Дубровенскай брамы сярод магілёўскіх гісторыкаў і грамадскіх актывістаў з'явілася ўжо даўно. Штосьці было зробленае раней, але мясцовыя ўлады не былі ў гэтым зацікаўленыя. На месцы, дзе калісьці стаяла Дубровенская брама, улады прапанавалі зрабіць назіральную пляцоўку, аднак яна там так і не з'явілася, што ў прынцыпе добра, бо засталося месца для адраджэння брамы», — сказаў Ігар Барысаў, галоўны рэдактар незалежнага інтэрнэт-выдання «Наш Магілёў».
На думку актывіста, адноўленая блізу плошчы Славы Дубровенская брама можа стаць яшчэ адным сімвалам горада і знаходзіцца ў адным шэрагу з ратушай, драматычным тэатрам, Астролагам, касцёлам Святога Станіслава і Свята-Мікольскім манастыром. Акрамя таго, яна будзе выдатным напамінам пра Магілёўскі замак, ад якога на сёння нічога не засталося, адзначае Барысаў.
У якасці ўзору для аднаўлення брамы ён прапануе ўзяць яе выяву на адной з карцін магілёўскага мастака Васіля Камарова.
Барысаў падкрэсліў, што збор подпісаў за аднаўленне Дубровенскай брамы праходзіць у межах інфармацыйнай кампаніі «Захаваем стары Магілёў», мэта якой заключаецца ў недапушчэнні разбурэння гістарычных будынкаў горада, іх своечасовым рамонце, а таксама адраджэнні гісторыка-культурнай спадчыны.
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ10
Каментары