Здарэнне адбылося ў Вілейцы 31 кастрычніка каля 21 гадзіны.
Маладая жанчына ішла з працы дадому. У зацішным месцы заўважыла, што за ёй сочыць мужчына. Расказала па мабільным тэлефоне пра свае падазрэнні сяброўцы, а неўзабаве тая пачула ў трубцы крык.
Сяброўка патэлефанавала ў міліцыю. Супрацоўнікі мясцовага райаддзела ўнутраных спраў затрымалі 36-гадовага жыхара Вілейкі.
Ён ужо з прымяненнем гвалту адвёў жанчыну за некалькі кіламетраў.
Пра гэта расказаў намеснік начальніка РАУС начальнік міліцыі грамадскай бяспекі Андрэй Дударчык.
У Вілейскім райадзеле Следчага камітэта паведамілі, што крымінальную справу завялі па частцы 1 артыкула 166 Крымінальнага кодексу Беларусі «Згвалтаванне». Злачынства караецца абмежаваннем волі на тэрмін да чатырох год або пазбаўленнем волі на тэрмін ад трох да сямі год.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы21
Каментары