«Год таму ва Украіне пачаліся падзеі, якія змянілі жыццё кожнага з нас. Спачатку гэта назвалі Еўрамайданам, а потым мы зразумелі, што гэта была Рэвалюцыя Годнасці», - гаворыццца на старонцы Радыё Рокс — Украіна ў Facebook.
«Мы пачынаем спецпраект «Музыка рэвалюцыі Годнасці», у якім ўспомнім песні, якія дапамаглі нам выстаяць, і словы, якія назаўсёды захаваліся ў нашых сэрцах. Cлухайце песні, пад якія змянялася краіна і кожны з нас, з 17 да 28 лістапада, а 11:30 і 17:30 [паводле мінскага часу] у спецпраекце «Музыка рэвалюцыі Годнасці» на Radio ROKS.
У якасці музычнай падкладкі выкарыстаныя зараз тры песні: «Уставай» «Океана Ельзи», «Брат за брата» Казак-сістэм і «Воіны свету» «Ляпіса Трубяцкога».
Падзеі ва Украіне пачаліся 21 лістапада 2013 г. (гэта быў чацвер), калі некалькі сот чалавек выйшлі на Майдан Незалежнасці ў цэнтры Кіева,
пратэстуючы супраць рашэння ўкраінскага ўрада Мікалая Азарава прыпыніць падрыхтоўку да падпісання пагаднення аб асацыяцыі з Еўрасаюзам.
Праз тыдзень, 30 лістапада, студэнцкі пратэст быў жорстка разагнаны «Беркутам», і на наступны дзень, 1 снежня, на вуліцы Кіева выйшлі сотні тысяч чалавек.
Сімвалічна, што ва ўгодкі Еўрамайдану, 21 лістапада, у Мінску з канцэртам выступіць «Океан Ельзи».
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»22
Каментары