Экранізацыю журналісцкага расследавання прычын амерыканскага фінансавага крызісу 2007 года з удзелам славутых актораў здыме студыя Брэда Піта Plan B, паведамляе Variety.
Кніга-бестсэлер журналіста Майкла Льюіса (The New York Times, Vanity Fair, Slate, Bloomberg) «Вялікая гульня на паразу: Таемныя спружыны фінансавай катастрофы» выйшла ў 2010 годзе і ўвайшла ў спісы лепшых кніг года па версіях The Economist, Bloomberg і Amazon.
У кнізе аўтар распавядае пра фінансавы крызіс у ЗША 2007 года, які выклікаў хвалю крызісаў па ўсім свеце ў 2008-2009 гадах. Адной з ключавых прычын амерыканскага крызісу сталі нявыплаты па іпатэчных крэдытах з высокім узроўнем рызыку (доля такіх крэдытаў да 2006 года вырасла са звычайных 8% да 20%). Да Беларусі сусветны крызіс дабраўся ў 2011 годзе, калі нацыянальная валюта дэвальвавалася на 270%.
Даты пачатку здымак і выхаду на экраны пакуль не называюцца.
Сцэнарыстам экранізацыі пад назвай «Вялікая гульня на паразу» стане Адам Маккей, вядомы па фільмах «Вольныя браты», «Копы ў глыбокім запасе» і будучым супергеройскім баевіку «Чалавек-мураш». Студыя Plan B вядомая сур’ёзнымі драмамі накшталт «Дзённіка памяці» і «Толькі Бог даруе».
Галоўныя ролі ў фільме выканаюць славутыя Брэд Піт і Крыстыян Бэйл, кампанію ім складзе меней «зорны», але не меней запатрабаваны Раян Гослінг, які атрымаў папулярнасць пасля фільма «Драйв».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары