На Міжнароднай касмічнай станцыі адбыўся выкід шкодных рэчываў у атмасферу станцыі. Увесь экіпаж МКС знаходзіцца ў бяспецы на расійскай частцы, паведамляе Раскосмас.
Выкід шкодных рэчываў з ахаладжальнай сістэмы ў атмасферу МКС адбыўся 14 студзеня ў 11:44. Амерыканскі сегмент станцыі цалкам ізаляваны, экіпаж перамясціўся ў расійскі сегмент. Ніхто з астранаўтаў не пацярпеў, канцэнтрацыя шкодных прымесаў у атмасферы расійскага сегменту ў межах нормы.
Адбыўся выкід аміяку, удакладняе РИА Новости. Для ліквідацыі наступстваў аварыі можа спатрэбіцца пазачарговы выхад у адкрыты космас.
Бяспекай экіпажу займаліся супольна Масква і Х’юстан, але далейшыя дзеянні па рамонце мусяць быць выпрацаваныя амерыканцамі, паведаміў начальнік расійскага Цэнтру кіравання палётамі Максім Мацюшын.
NASA пакуль не паведамляла аб аварыі. Здарэнне пракаментаваў славуты канадскі астранаўт Крыс Хэтфілд: «Мы трэніраваліся да гэтага, чальцы каманды і цэнтр кіравання палётамі спрацавалі добра. Экіпаж у бяспецы. Зараз падрабязна разглядаем здарэнне, каб зразумець, што адбылося і што рабіць далей».
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7474
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне74
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1818
Каментары