Расійскія ўлады не плануюць у бліжэйшы час адмяняць уведзенае ў жніўні харчовае эмбарга, нягледзячы на рост коштаў і неспрыяльныя эканамічныя ўмовы, у якіх знаходзіцца расійская эканоміка, сказаў віцэ-прэм'ер Расіі Аркадзь Дварковіч.
«Планаў адмяняць дакладна няма, а далей залежыць ад таго, што будзе з санкцыямі», — сказаў Дварковіч, які знаходзіцца на эканамічным форуме ў Давосе.
«Гэтае эмбарга — інструмент, каб нашы вытворцы мелі магчымасць працаваць на больш канкурэнтных умовах, таму што яны не могуць цяпер атрымліваць у банках грошы пад такія ж стаўкі, якія былі да санкцый», — падкрэсліў віцэ-прэм'ер.
Экс-міністр фінансаў Расіі Аляксей Кудрын, які таксама знаходзіцца ў Давосе, не пагадзіўся з Дварковічам і назваў непрадуктыўным харчовае эмбарга.
«Паколькі ўжо сам курс, дэвальвацыя стварыла бар'ер, імпарт стаў даражэйшым, усе іншыя бар'еры трэба прыбіраць, трэба адмяняць эмбарга, трэба памяншаць імпартныя пошліны», — сказаў ён.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год41
Каментары