«Брэсцкія зубры» ўпершыню ў гісторыі беларускага бейсбола ўвайшлі ў групу А — у лік 12 наймацнейшых каманд, якія будуць змагацца за галоўны трафей Кубку Еўропы.
Як паведаміў галоўны трэнер «Брэсцкіх зуброў» Ігар Лукашэвіч, каманды раздзелены на дзве падгрупы.
Сапернікамі брэстаўчан будуць: Pirates Amsterdam (Нідэрланды), PUC Paris (Францыя), T&A San Marino (Сан-Марына), Solingen Alligators (Германія), Fortitudo Bologna (Італія). Спаборніцтвы пройдуць 2—7 чэрвеня ў Парыжы.
У гэтыя ж дні ў Ратэрдаме (Нідэрланды) будуць мерыцца сіламі яшчэ шэсць каманд.
«Пападанне ў групу А — паказчык імклівага росту беларускага бейсбола ў апошнія гады.
Мара кожнага гульца — згуляць у эліце еўрапейскага бейсбола. Спаборнічаць з лепшымі камандамі гэтых краін, канешне, будзе няпроста. Асабліва калі ўлічыць, што ў нас няма ніводнага легіянера, — сказаў Лукашэвіч. — Наша каманда маладая, але вельмі перспектыўная. Мы пастараемся зрабіць усё магчымае, каб паказаць выдатны бейсбол і парадаваць нашых балельшчыкаў перамогамі».
«Брэсцкія зубры» — 12-разовыя чэмпіёны краіны і 10-разовыя ўладальнікі Кубка Беларусі па бейсболе, неаднаразовыя пераможцы і прызёры міжнародных турніраў. У 2014 годзе ў Брэсце каманда стала пераможцам кваліфікацыйнага этапу Кубка Еўропы.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары