Следчы камітэт завёў чатыры крымінальныя справы за порна «УКантакце»
Чацвёрых падазраюць у распаўсюдзе порна, аднога з іх — дзіцячага, паведамляе прэс-служба Следчага камітэту Гродзенскай вобласці.
Следчыя выявілі тры выпадкі размяшчэння жыхарамі Гродзенскай вобласці парнаграфічнага відэа на ўласных старонках УКантакце. Сярод падазраваных гродзенец 1993 года нараджэння і рабочы са Смаргоні 1994 года нараджэння (кожны па адным відэа) ды беспрацоўны з Лідскага раёну 1992 года нараджэння (тры відэа).
Іх дзеянні падпадаюць пад ч.2 артыкула 343 УК РБ («вытворчасць і распаўсюд парнаграфічных матэрыялаў альбо прадметаў парнаграфічнага характару») і караюцца пазбаўленнем волі на тэрмін ад 2 да 4 год.
За жыхаром вёскі Лідскага раёну 1990 года нараджэння заўважана размяшчэнне парнаграфічнага матэрыялу з удзелам непаўнагадовых.
Дзіцячае порна падпадае пад той жа артыкул і пагражае тым жа пакараннем.
У падазраваных канфіскаваная і накіраваная на экспертызу тэхніка, праводзяцца следчыя дзеянні па выяўленні іншых эпізодаў іх злачыннай дзейнасці.
Следчы камітэт нагадвае, што пад артыкул 343 УК РБ падпадае і рэкламаванне парнаграфіі, і размяшчэнне спасылак на порнаматэрыялы ў інтэрнэце.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў13
Каментары