Пра гэта гаворыцца ў звароце прэзідэнта Украіны Пятра Парашэнкі да ўкраінскага народу ў сувязі з гадавінай трагічных падзей у Крыме.
«Украіна ніколі не адмовіцца ад сваіх суверэнных правоў на Крым, будзе абараняць усімі даступнымі сродкамі правы людзей, якія там жывуць. У гэтым пытанні існуе поўны кансэнсус паміж украінскай уладай, палітыкамі і грамадзянскай супольнасцю. У гэтым мы маем абсалютную падтрымку дзяржаў свету і ўсіх міжнародных арганізацый», — гаворыцца ў звароце.
Парашэнка таксама нагадаў пра так званы «рэферэндум» у Крыме.
«Роўна год таму адбыліся падзеі, якія ў ХХІ ст. цяжка зразумець любому цывілізаванаму чалавеку.
Чалавецтва стала сведкам цынічных дзеянняў, накіраваных на гвалтоўны захоп Крыма — неад'емнай часткі ўкраінскай дзяржавы. Так званы рэферэндум, абвешчаны і праведзены адначасова з маштабным уварваннем на крымскую зямлю расійскіх вайскоўцаў, быў нічым іншым, як фарсам, закліканым прыкрыць адкрытую агрэсію Расіі супраць Украіны», — гаворыцца ў звароце.
«Наша дзяржава ні ў якім разе не прызнае вынікаў гэтага нікчэмнага акта, праведзенага насуперак міжнароднаму праву і нацыянальнаму заканадаўству Украіны.
Тым больш, што пераважная частка жыхароў Крыма, перш за ўсё крымскія татары і ўкраінцы, выказалі актыўны байкот гэтым палітычным шоу, захаваўшы сваю адданасць Украіне «, - дадаў Парашэнка.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары