У адукацыйных мэтах, вядома.
Відэагульня Minecraft, а дакладней, яе адукацыйная версія MinecraftEdu, з’явіцца ва ўсіх сярэдніх школах Паўночнай Ірландыі, распавядае The Guardian.
Гульню бясплатна атрымаюць 214 школ, 30 бібліятэк і грамадскіх арганізацый — праграма ахопіць каля 50 тысяч вучняў.
Аўтары праекту мяркуюць, што гульня зможа навучыць дзяцей вырашэнню лагічных задач і падвысіць іх увагу да дэталяў. Што важна, засвоіць Minecraft прыйдзецца і настаўнікам.
Падобныя эксперыменты мелі месца ў адной са школ Стакгольма ў 2013 годзе. З дапамогай Minecraft школьнікі засвойвалі гарадское планаванне і экалогію.
***
Minecraft — папулярная відэагульня ў жанры «пясочніцы». Гулец трапляе ў «піксельны» сусвет, дзе вольны даследаваць наваколле і будаваць пабудовы са здабытых блокаў кшалту гліны, дрэва і мінералаў. Доўгі час гульня не мела канчатковай мэты, але ў адной з версій была ўведзеная неабавязковая бітва з драконам-босам. Гульню называюць «канструктарам Lego XXI стагоддзя».
Колькасць гульцоў у 2014 годзе пераваліла за 100 млн па ўсім свеце. Увосень 2014 года гульню за 2,5 млрд даляраў выкупіла карпарацыя Microsoft.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам11
Каментары