Зацяжное пахаладанне сканчаецца. У атмасферы адбываецца паступовая перазагрузка — паўночныя вятры змяняюцца на паўднёвыя і да нас пачне паступаць больш цёплая і камфортная паветраная маса.
Пра гэта TUT.BY распавёў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
23 красавіка, у чацвер ноччу без істотных ападкаў, днём па паўночнай палове кароткачасовыя дажджы, месцамі магчымыя навальніцы.
Раніцай і днём на большай частцы тэрыторыі ўзмацненне ветру парывамі да 15—20 м/с, днём у асобных раёнах да 23 м/с.
Тэмпература паветра мінімальная ноччу +1 — + 6°С, максімальная днём 13 — + 19°С, па поўначы Віцебскай вобласці 10 — +12°С.
У пятніцу, 24 красавіка, будзе пераважна без ападкаў, толькі ноччу і раніцай месцамі па паўночным усходзе кароткачасовыя дажджы. Днём у асобных раёнах Віцебскай вобласці ўзмацненне ветру парывамі да 15—18 м/с.
Тэмпература паветра мінімальная ноччу +1 — + 7°С, максімальная днём 12 — + 18°С, па поўдні 19 — + 21°С.
У суботу і нядзелю таксама будзе пераважна без ападкаў. Максімальная тэмпература днём 18 — + 25°С.
Як раней паведамлялі сіноптыкі, 17—21 красавіка ў Мінску сярэднясутачная тэмпература паветра складала + 3 … + 5°С, што на 4 градусы ніжэй за кліматычную норму.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары