Краіны Захаду дапусцілі памылку, ацэньваючы Расію паводле сваіх стандартаў.
Такую заяву зрабіў міністр абароны Латвіі Раймонд Веёніс, удзельнічаючы ў дыскусіі Цэнтра стратэгічных і міжнародных даследаванняў након бяспекі ў Балтыйскім рэгіёне.
«Мы не прызнавалі, што Расія развіваецца, прычым абапіраючыся выключна на сваю ідэалогію. Эканоміка РФ цалкам залежная ад сыравінных рэсурсаў, асабліва энергетыкі. Таму ўладзе трэба паказваць ваенныя перамогі, сведкамі чаго мы і з'яўляемся ў апошнія гады», — растлумачыў Веёніс.
На думку кіраўніка Мінабароны, агрэсія Расіі ў дачыненні да Украіны «несумненна азначае яе жаданне перагледзець межы, якія ўтварыліся ў Еўропе пасля Халоднай вайны».
Аднак ён таксама ўпэўнены, што Захад знайшоў і меры стрымання агрэсіі.
«Мы зразумелі, што Расію можна трымаць на дыстанцыі з дапамогай розных сродкаў. Па-першае, сваімі сіламі — гатоўнасцю супрацьстаяць. Па-другое, шляхам дыслакацыі саюзнікаў, і асабліва ЗША, на тэрыторыі краін Балтыі. Па-трэцяе, паглыбленымі ведамі наконт паводзінаў Расіі. Толькі ўсе гэтыя кампаненты разам могуць служыць вартай даверу мерай у нашым рэгіёне», — распавёў палітык.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары