Амерыканец зняў апошнюю вандроўку невылечна хворага сабакі ФОТА
Гаспадар падарыў старому По падарожжа праз усю краіну.
Томас Ніл Радрыгес з Нью-Ёрка, ЗША, публікуе ў інстаграме @pohthedogsbigadventure фота з падарожжа па Штатах са сваім сабакам По, распавядае Mashable.
У 1999 годзе Радрыгес узяў По з прытулку. Праз 15 год у сабакі знайшлі неаперабельную пухліну. Дактары прадказалі, што По не пражыве больш за два тыдні — але вандроўка доўжылася тры месяцы.
Сёння гаспадар публікуе здымкі По з роднага Нью-Ёрка.
Радрыгес змайстраваў для хворага сабакі вазок. Шторанак ён ставіць По кропельніцу. З дапамогай гаспадара сабака здолеў нават паплаваць у Ціхім акіяне.
Каментары