Стваральнікі Bioshock сабралі грошы на гульню-жудзік пра сляпую дзяўчынку
У Perception прыйдзецца пабачыць свет па-іншаму.
Студыя Deep End Games, заснаваная распрацоўшчыкамі класічных «стралялак» Bioshock і Dead Space, паспяхова завершыла збор сродкаў на сваю дэбютную гульню Perception. З запатрабаваных 150 тысяч даляраў было сабрана 168 тыс. Замовіць гульню можна было за 20 даляраў.
Гульня распавядзе гісторыю сляпой дзяўчынкі Кэсі. Гульцы пабачаць закінуты дом, захоплены таямнічай Прысутнасцю, у візуалізацыі гукаў — сваеасаблівай рэхалакацыі.
Гісторыя заснаваная на сапраўднай гарадской легендзе, папулярнай у Масачусэтсе.
Праз неардынарны слых і востры розум Кэсі знойдзе дом, што пераследуе яе ў снах, у мястэчку ў штаце Масачусэтс. Але рэальнасць акажацца страшнейшай за сны: дом захапіла нешта, што называюць Прысутнасцю, і пакаленнямі тэрарызуе яго жыхароў. Цяпер яно палюе на Кэсі.
Гераіня не будзе мець традыцыйнай для гульняў-хорараў зброі — хіба кіёк ды смартфон. Прыйдзецца хавацца і ўцякаць, каб раскрыць таямніцы Прысутнасці і не стаць яе ахвярай у розныя эпохі, што перажыў дом.
Perception выйдзе для персанальных камп’ютараў і неназваных кансолей. Меркаваная дата выхаду не называецца.
Цяпер чытаюць
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску6
«У нас усе размаўляюць на рускай мове». Дзіцячы цэнтр не ўзяў на працу жанчыну, бо яна размаўляе па-беларуску
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары