Ужо ў гэту суботу, 25 ліпеня, у Санкт-Пецярбургу, у Канстанцінаўскім палацы, пройдзе цырымонія папярэдняга лёсавання чэмпіянату свету па футболе — 2018 г., які адбудзецца ў Расіі. Папярэдняе лёсаванне — гэта фармаванне адборачных групаў.
Лёсаванне пройдзе для Еўропы, Афрыкі, Акіяніі, а таксама Паўночнай і Цэнтральнай Амерык. Адборачны турнір у Азіі ўжо стартаваў. А Паўднёвая Амерыка, як вядома, на адборачныя групы не разбіваецца, а праводзіць агульны турнір, які вызначае чатырох шчасліўчыкаў.
Весці цырымонію лёсавання (а пачнецца яна ў суботу а 18-й) будуць вядомая мадэль Наталля Вадзянава і тэлевядучы, беларус Дзмітрый Шэпелеў, паведамляе lenta.ru. Мяркуецца, што ўдзел у лёсаванні возьме і Уладзімір Пуцін.
Што да асаблівасцяў адборачнага турніру ў Еўропе,
Fifa.com нагадвае, што ў ім у еўрапейскай зоне прымуць удзел 52 нацыянальныя федэрацыі. Будуць сфарміраваны сем групаў па шэсць камандаў і дзве групы па пяць камандаў. Гульні пройдуць з 4 верасня 2016 г. па 10 кастрычніка 2017 года. Дзевяць пераможцаў груп трапляюць на ЧС-2018 наўпрост. Восем найлепшых зборных сярод камандаў, якія занялі другія месцы ў сваіх групах, правядуць стыкавыя матчы ў лістападзе 2017 года.
Нагадаем, што кошыкі для лёсавання былі сфармаваныя пасля публікацыі ліпеньскага рэйтынгу ФІФА. Зборная Беларусі трапіла ў пяты кошык (у яе 100-е месцы ў рэйтынгу).
Першы кошык: Германія, Бельгія, Галандыя, Партугалія, Румынія, Англія, Уэльс, Іспанія, Харватыя.
Другі кошык: Славакія, Аўстрыя, Італія, Швейцарыя, Чэхія, Францыя, Ісландыя, Данія, Боснія і Герцагавіна.
Трэці кошык: Украіна, Шатландыя, Польшча, Венгрыя, Швецыя, Албанія, Паўночная Ірландыя, Сербія, Грэцыя.
Чацвёрты кошык: Турцыя, Славенія, Ізраіль, Ірландыя, Нарвегія, Балгарыя, Фарэрскія выспы, Чарнагорыя, Эстонія.
Пяты кошык: Кіпр, Латвія, Арменія, Фінляндыя, Беларусь, Македонія, Азербайджан, Літва, Малдова.
Шосты кошык: Казахстан, Люксембург, Ліхтэнштэйн, Грузія, Мальта, Сан-Марына, Андора.
У адборачную групу трапляе па адной камандзе з кожнага кошыка.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады24
Каментары