У Шчучыне сексот выклікаў міліцыю, пабачыўшы БЧБ-сцяг, падпалкоўнік толькі праверыў дакументы
У Шчучыне прайшоў пікет па зборы подпісаў за Таццяну Караткевіч. Збіралі актывісты Партыі БНФ і кампаніі «Гавары праўду».
І сама Караткевіч заехала на пікет па дарозе з Мінска ў Горадню. Людзі рэагавалі на альтэрнатыўнага кандыдата вельмі зычліва.
Не адбылося, аднак, без інцыдэнта. Адзін чалавек пабачыў бел-чырвона-белы сцяг і выклікаў міліцыю.
Падпалкоўнік міліцыі, аднак, толькі праверыў у зборшчыкаў дакументы і запытаўся, ці не парушаюць яны заканадаўства.
«Мы пачулі ад людзей, што яны хацелі б верыць у будучыню», — так падсумавала ўражанні ад Шчучына Таццяна Караткевіч.
Каментары