Скрадзеная нацыстамі карціна засталася ў калекцыянера.
У Польшчы няма дастатковай нагоды, каб патрабаваць экстрадыцыі расійскага калекцыянера Аляксандра Хачынскага, пастанавіў федэральны суд Манхэтана (Нью-Ёрк, ЗША), перадае Associated Press.
Палякі лічаць, што Хачынскі незаконна набыў карціну, скрадзеную з Польшчы нацыстамі падчас Другой сусветнай вайны. Хачынскі сцвярджае, што карціна дасталася яму ў спадчыну ад бацькі, былога савецкага салдата, які прывез яе з вайны.
Суд паверыў довадам Хачынскага і не знайшоў доказаў таго, што расеец ведаў аб крадзяжы карціны з Польшчы ці што ён сам здабыў яе незаконным шляхам.
Справа ідзе вакол карціны «Дзяўчына з голубам», напісанай французскім мастаком Антуанам Пэнам у 1754 годзе. Карціна была скрадзеная Трэцім Рэйхам з Нацыянальнага музея ў Познані (Польшча) ў 1943 годзе, але ў канцы вайны Чырвоная армія знайшла яе і змясціла ў сховішча, сцвярджае польскі бок.
У 2010-м Хачынскі звярнуўся да польскай амбасады ў Маскве (Расія). Ён сцвярджаў, што знайшоў сваю карціну, што дасталася яму ад бацькі, ў спісе страчаных мастацкіх твораў. У наступным годзе Польшча патрабавала вярнуць карціну без усялякіх кампенсацый. Адказу ад Хачынскага не паследавала. Расійскія ўлады вырашылі перадаць карціну Польшчы, але калі прыйшлі па яе ў галерэю Хачынскага ў Маскве, дзе тая раней адкрыта выстаўлялася, карціны не было на месцы.
Хачынскі быў арыштаваны ў Нью-Ёрку (ЗША) ў лютым 2015 года па запыце польскіх уладаў, пазней быў адпушчаны пад заклад у 100 тысяч даляраў. Ён адзначае, што дагэтуль валодае карцінай і захоўвае яе ў неназваным месцы.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары