Падчас матчу ў першай лігі чэмпіянату Беларусі паміж светлагорскім «Хімікам» і магілёўскім «Дняпром» (3:1) адбылася бойка паміж фанатамі гасцей і супрацоўнікамі міліцыі. Прычынай сутычкі стала выкарыстанне піратэхнікі на сектары, — інфармуе belultras.by.
«Фанаты «Дняпра» яшчэ ў першым тайме запалілі дым пасля забітага іх камандай гола, але ніякай рэакцыі з боку міліцыі не было. А вось пасля чарговага дыму і петардаў у другім тайме супрацоўнікі міліцыі пачалі выводзіць фанатаў «Дняпра» з сектара. Спрабавалі выводзіць хлопцаў маладзейшых, на што ўвесь сектар адрэагаваў зарадам «Адзін за ўсіх і ўсе за аднаго» і больш старэйшыя хлопцы пачалі бараніць больш маладых калегаў, якіх спрабавалі сілком вывесці з сектара. Якраз у гэты час праз усё поле пабеглі хлопцы са шчытамі і і акружылі сектар. Пасля нейкага час сітуацыя супакоілася. Было бачна, што магілёўскія фанаты «прыязна» пагутарылі з міліцыяй і наадварот, — паведамляе сведка.
Паводле папярэдняй інфармацыі ніхто з фанатаў магілёўскага «Дняпра» не быў затрыманы. Усіх, хто прыехаў на электрычцы правялі да вакзала. Тых, хто прыехаў сваім ходам гэтак жа выпусцілі з сектара без праблем.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары