Цела 25-гадовай жанчыны знайшлі ў двары аднаго з дамоў падчас аператыўна-вышуковых мерапрыемстваў.
13 снежня ў міліцыю паступіла заява ад жыхара Бабруйска, што 6 снежня ў 04.30. яго сужыцелька сышла з кавярні, дзе працавала, і яе месцазнаходжанне невядома.
Аператыўнікі адпрацоўвалі шэраг версій, сярод якіх была і версія аб магчымай датычнасці да знікнення дзяўчыны яе суседа па інтэрнаце, раней неаднаразова судзімага бабруйчаніна — у апошні раз зніклую бачылі менавіта з ім.
Быў праведзены шэраг аглядаў месцаў яго магчымага знаходжання, у тым ліку — лецішча яго сваякоў у завулку Памежным у Бабруйску. Менавіта там было знойдзена цела.
Папярэдне ўстаноўлена, што яе раніцай 6 снежня сякерай забіў непрацуючы, раней неаднаразова судзімы 24-гадовы жыхар горада. Падазраваны затрыманы і прызнаўся ў злачынстве, паведамляе УУС рэгіёну.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары