Агенты Рассельгаснагляда знішчылі больш за 30 тон свежых шампіньёнаў. Яны былі ўвезены з Беларусі, але расійскія «нагляднікі» мяркуюць, што яны з Польшчы. Пра гэта гаворыцца ў паведамленні рэгіянальнай управы нагляднага ведамства па Растоўскай вобласці.
Печаркі былі дастаўлены ў Расію дзвюма партыямі.
«У прычэпе на бачнай часткі грузу сапраўды знаходзіўся аднаразовы пластыкавы посуд, аднак пры далейшым надглядзе ўнутры прычэпа выяўленая прадукцыя — грыбы свежыя (шампіньёны), з наяўнасці этыкеткі змяшчае інфармацыю «печаркі свежыя, краіна паходжання — Польшча», - прыводзяцца ў паведамленні падрабязнасці дастаўкі першай партыі грыбоў.
Маса першай партыі складала 14,76 тон, другой — 16,7 тон.
Другая партыя суправаджалася дэкларацыяй, згодна з якой вытворцам прадукцыі з'яўлялася фермерская гаспадарка з Беларусі «Грыбная краіна».
«Дэкларацыя не зарэгістраваная ў сістэме Расакрэдытацыі, пратакол выпрабаванняў адсутнічае. Супрацоўнікамі ДПС аўтамабіль затрыманы і змешчаны на адказнае захоўванне», — гаворыць паведамленне.
Цяпер чытаюць
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»1
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары