Аляксандр Лукашэнка перамог на прэзідэнцкіх выбарах 2015 у першым туры, набраўшы 50,8% галасоў. Яго бліжэйшая саперніца Таццяна Караткевіч атрымала 22,3% галасоў тых, хто прыйшоў на выбары.
Такія вынікі снежаньскага апытання Незалежнага інстытута сацыяльна-эканамічных і палітычных даследаванняў (НІСЭПД), зарэгістраванага ў Вільні.
Гэтыя дадзеныя разыходзяцца з афіцыйнымі вынікамі выбараў, абвешчанымі Цэнтрвыбаркамам. Па гэтых выніках, Аляксандр Лукашэнка перамог з вынікам 83,5% галасы, Караткевіч - 4,4%.
Вынікі выбараў паводле НІСЭПД і ЦВК (%)
| Лукашэнка | Караткевіч | Гайдукевіч | Улаховіч | Яўка | |
| НІСЭПД | 50,8 | 22,3 | 7,4 | 2,7 | 70,2 |
| ЦВК | 83,5 | 4,4 | 3,3 | 1,7 | 86,8 |
Сацыёлагі з НІСЭПД адзначаюць, што з 70% тых, хто прагаласаваў 50% зрабілі гэта 11 кастрычніка, 20% - датэрмінова. Свядома байкатавалі выбары ў знак пратэсту 4% беларусаў.
«Па ўсёй бачнасці, ідэя байкоту згуляла на руку не столькі апазіцыі, колькі уладзе: калі б негаласавалыя ўсё ж пайшлі галасаваць, з іх больш прагаласавалі б за Караткевіч, чым за Лукашэнку», - адзначаюць аўтары даследавання.
Цяпер чытаюць
Польшча адкрывае два пераходы на мяжы з Беларуссю, але пакуль з вялікімі абмежаваннямі8
Каментары