Група ў складзе ад пяці да сямі тэрарыстаў сірыйскага і іракскага паходжання, якія рыхтаваліся, як мяркуецца, падарваць сябе ў ноч на 1 студзеня на двух вакзалах у цэнтры і на захадзе Мюнхена, імаверна, дзейнічала па заданні тэрарыстычнай групоўкі «Ісламская дзяржава» (ІД). Пра гэта паведамілі прадстаўнікі мюнхенскай паліцыі, піша Deutsche Welle.
Федэральнае ведамства па крымінальных справах абвясціла аб магчымых нападах праваахоўныя органы сталіцы Баварыі ў чацвер, 31 снежня, каля 19:40 па мясцовым часе. У сваю чаргу, ведамству было паведамлена пра канкрэтную пагрозу тэрактаў французскімі спецслужбамі, удакладняе на сваім інтэрнэт-сайце газета Frankfurter Allgemeine Zeitung.
Федэральная разведслужба Германіі (BND) мела адпаведную інфармацыю ўжо 23 снежня. Пры гэтым, паводле выдання, яна магла атрымаць звесткі аб планах тэрарыстаў ад асведаміцеля ў Іраку.
Пасля таго, як стала ясна, што пагроза рэальная, праваахоўныя органы Мюнхена сфармавалі крызісны штаб.
У ноч на 1 студзеня, праваахоўнікі ачапілі галоўны вакзал Мюнхена і станцыю Пазінг на захадзе горада. Усе пасажыры і абслугоўваючы персанал былі эвакуіраваны праз пагрозу тэрактаў.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады11
Каментары