Здзек з Праграмы Каліноўскага: «Адкрылі кальянную-паб у Катавіцах»
Да 10-годдзя Праграмы Каліноўскага сайт Svaboda.org сабраў 10 гісторый поспехаў выпускнікоў праграмы.
Што гэта за поспехі?
9 з 11 апісаных у матэрыяле выпускнікоў засталіся жыць у Польшчы.
Сярод поспехаў фігуруе адкрыццё двума выпускнікамі кальяннай у Катавіцах (горад на поўдні Польшчы). Гэта фініш! Нават калі б яны адкрылі дымарню ў Бабруйску, мне гэта не падалося б «гісторыяй поспеху», а прычым Катавіцы да мэтаў праграмы імя героя, задачай якой было падрыхтаваць новую беларускую эліту.
У Беларусь сярод герояў матэрыялу вярнуліся толькі двое — адзін мастак і адзін журналіст-фрылансер.
Калі гэта «гісторыі поспеху», то што там ужо за «гісторыі няпоспеху» каліноўцаў можна сустрэць?
Як вядома, добрымі намерамі высцеленая дарога ў пекла.
Дык вось, дадзены артыкул для мяне толькі пацвердзіў падазрэнні, што, у сітуацыі, калі з беларускіх ВНУ перасталі выключаць, праграма Каліноўскага перастала быць карысцю, а стала шкодай для Беларусі. Яна прыводзіць да пераезду самай таленавітай моладзі, creme de la creme, з Беларусі ў Польшчу. Там яны апынаюцца раскіданымі па польскіх ВНУ і ў выніку цалкам ці часткова асімілююцца. Самыя крэатыўныя і самыя смелыя аказваюцца страчанымі для Беларусі.
А як думаеце вы? Абмяркоўвайце, калі ласка.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары