Мінчук галяком купаўся ў Мухлі, а потым бегаў па беразе і размахваў рукамі
У Мінску затрымалі мужчыну, які ў аголеным выглядзе купаўся ў рацэ Мухля (у раёне вул. Касманаўтаў).
Акт эксгібіцыянізму гараджанін зладзіў падчас пікніку. Добра выпіўшы з таварышам на беразе, ён распрануўся дагала і скокнуў у ваду.
Заплыў у стылі ню давялося назіраць і бацькам з дзецьмі, якія гулялі па беразе. Шакаваныя мінакі выклікалі міліцыю.
Аднак вартавыя парадку не адразу змаглі ўціхамірыць хулігана — ён бегаў па беразе і размахваў рукамі.
А каб пазбегнуць пакарання і ў надзеі, што яго забяруць у бальніцу, выдумаў, што падчас купання праглынуў шкло.
Тым не менш яго даставілі ў гарадскі аддзел міліцыі № 2 РУУС адміністрацыі Маскоўскага раёна. Як высветлілася, аматар паплаваць галяком — раней судзімы злосны парушальнік грамадскага парадку. Ён неаднаразова прыцягваўся да адміністрацыйнай адказнасці.
Цяпер грамадзяніну пагражае штраф у памеры ад двух да трыццаці базавых велічынь або адміністрацыйны арышт.
Цяпер чытаюць
Асуджаны за «Гаюн» да хіміі брат Ігара Лосіка ўцёк з Беларусі1
Каментары