Saab паказала найноўшы знішчальнік Gripen-E падчас захапляльнай прэзентацыі ВІДЭА
Шведская кампанія Saab правяла прэзентацыю першага лётнага ўзору знішчальніка JAS-39E Gripen, які адрозніваецца мадэрнізаванымі рухавікамі, радыёлакацыйнай станцыяй з актыўнай фазіраванай антэннай рашоткай і новай інфармацыйна-кіравальнай сістэмай.
Цяпер ВПС Швецыі замовілі 60 JAS-39E Gripen на замену папярэднім JAS-39C/D. Акрамя таго, больш за 30 машын замовіла Бразілія.
Актыўная рашотка, якая з'яўляецца прыкметай сапраўды сучаснай баявой машыны, значна больш надзейная за пасіўную і менш важыць.
Універсальныя знішчальнікі падрыхтаваныя да «сеткацэнтрычнай вайны», у якой уся тэхніка і пяхота на полі бою, а таксама спадарожнікі ў космасе могуць у рэальным часе звязвацца, абменьвацца інфармацыяй і разам вырашаць баявыя задачы, піша афіцыйны сайт saab.com.
Машына здольная выкарыстоўваць самыя сучасныя высокадакладныя ракеты і рухацца са звышгукавой хуткасцю ў крэйсерскім рэжыме.
Цяпер галоўнымі карыстальнікамі папярэдніх версій Gripen з'яўляюцца авіяцыі Швецыі, ПАР, Чэхіі і Венгрыі.
Шведскія самалёты гэтага тыпу з'яўляюцца аднымі з шэрагу лепшых машын, якія могуць сабе дазволіць дзяржавы, якія, у адрозненне ад ЗША, пакуль не маюць на ўзбраенні знішчальнікаў пятага пакалення.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма4
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары